DER ERSTE (bitter): Kärnten ist reich, jojo... Und wo buttert er's eine? Fuaßboll...Mia asupa Vurbereitung den gonzn Winta, vastehst, und jetz...
DER ZWEITE: Wead schon wieder, weast segn. Sponsor brauch ma holt. Trenkwalder.
DER ERSTE (höhnisch): Trenkwalder! Buttert jo aa olles in Fuaßboll!
DER ZWEITE: Haselsteiner.
DER ERSTE: I wüll ka Stadion bauen.
DER ZWEITE: Oda sei Russ. Da Deriding, da Oligarch, waaßt eh.
DER ERSTE: Wos gach?
DER ZWEITE: Oli. Nix glesn "News"? "Die zehn reichsten Oligarchen".
DER ERSTE (wütend): "News"! Wonn i schon siech, kriag i an Gachn. Fuaßboll, Fuaßboll, Fuaßboll. Gach amol Schi, oba sunst Fuaßboll, Fuaßboll.
DER ZWEITE: Oba die Oligarchn ... Die Hund Göld, bist du...! Da Abramowitsch.
DER ERSTE: Und wos kaft er? Chelsea.
DER ZWEITE: Gibt jo wohl ondere aa. Da ane, waßt eh, der Öloligarch do von Ostkasachstan.
DER ERSTE: A Ostkosak? ... Kaft sicher Real Madrid. Kaum hom se Göld, lei mehr Fuaßboll, Fuaßboll. Brauchst lei onschaun den Haider.
DER ZWEITE: Oba wenn mia, sogma, an ärmeren
Oligarch -
DER ERSTE: Vagiss.
(Pause. Sie schauen den Sandburg bauenden Kindern und Vätern zu.)
DER ERSTE (vor sich hin): Hochosterwitz... Wead a sicher aa bold einebuttern in Fuaßboll...
(Vorhang)
(Antonio Fian/ DER STANDARD, Printausgabe, 16./17.06.2007)