(Menschenleer bis auf, am Ende des Steges, zwei frühere Beachvolleyball-Nachwuchsspieler in Stiefeln, schwarzen Hosen und schwarzen Jacken mit der Aufschrift "Security". Sie trinken Bier aus Dosen.)
DER ERSTE: Immanuel?
DER ZWEITE: Hm?
DER ERSTE: Weama ausefoan Wian im Juli? Donauinsel? Beachvolley-WM?
DER ZWEITE: Ka Göld.
DER ERSTE: Ka Göld? Warum? Lossnt uns eh wieda oaweitn! Vadien ma eh!
DER ZWEITE: Schon. Owa Schulden. Auto, waßt eh. (Pause. Er schleudert die leere Bierdose ins Wasser.) Außadem Burgi schwonga.
DER ERSTE (perplex): Echt? Von dir?
DER ZWEITE: Sicher von mir! Von wen sunst?
DER ERSTE: Eh. Hob lei gmant.
DER ZWEITE: Die Burgi is nit so ane.
DER ERSTE: Eh nit.
(Pause)
DER ERSTE: Wos wead'n kosten Obtreibung?
DER ZWEITE: Geht nit, obtreibn. Z'spot.
DER ERSTE: Echt?
DER ZWEITE: Waßt eh, Burgi ... Nix gedocht ... Bissl dick is aa ...
DER ERSTE: Schas, oder?
DER ZWEITE: Eh.
(Pause)
DER ERSTE: Waßt schon, wos wead?
DER ZWEITE: Bua.
DER ERSTE: Und wia wead haßn?
DER ZWEITE: Waß nit. Burgi wüll Jörg.
DER ERSTE: Vaschwind!
DER ZWEITE: Sog i aa.
DER ERSTE: Wos tatest du wolln?
DER ZWEITE: Waaß nit ... Irgendwie tat ma taugn Zacharias. Oder Jesaja.
(Lange Pause)
DER ERSTE: Vielleicht spült a mit irgendwonn, da Jesaja, auf da Donauinsel.
DER ZWEITE: Do konnst du Gift drauf nehmen! Weil i wea dahinter sein, doss er trainiert! Nit so lax wia mei Vota.
(Vorhang)
(Antonio Fian, 6.7.2017)